ສອງກະຊວງ ຮ່ວມກັນ ປູກຕົ້ນໄມ້ ເນື່ອງໃນວັນປູກຕົ້ນ ໄມ້ແຫ່ງຊາດ 1 ມິຖຸນາ, ວັນສິ່ງແວດລ້ອມ ແຫ່ງຊາດ ແລະ ວັນສິ່ງແວດລ້ອມໂລກ 5 ມິຖຸນາ 2020 ເຫດການ ໃນ

ໂອກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ກະຊວງ ກະສິກໍາ ແລະ ປ່າໄມ້ ຮ່ວມ ກັບ ກະຊວງ ຊັບພະຍາກອນທໍາມະຊາດ ແລະ ສິ່ງ ແວດລ້ອມ ຈັດພິທີປູກຕົ້ນໄມ້ຢູ່ສວນພຶກສາສາດ ຫ້ວຍຍາງ-ດົງໝາກຄາຍ, ເມືອງໄຊທານີ ນະຄອນ ຫຼວງວຽງຈັນ. ໂດຍມີ ທ່ານ ປອ ລຽນ ທິແກ້ວ ລັດຖະ ມົນຕີ ກະຊວງ ກະສິກໍາ ແລະ ປ່າໄມ້, ທ່ານ ສົມມາດ ພົລເສນາ ລັດຖະມົນຕີ ກະຊວງ ຊັບພະຍາກອນທໍາ ມະຊາດ ແລະ ສິ່ງແວດລ້ອມ, ພ້ອມດ້ວຍພະນັກງານ ຈາກທັງສອງກະຊວງ ແລະ ແຂກຮັບເຊີນເຂົ້າຮ່ວມ. ສວນພຶກສາສາດແຫ່ງນີ້ ມີເນື້ອທີ່ທັງໝົດ 268 ເຮັກ ຕາ, ຊຶ່ງໃນນີ້ ກະຊວງກະສິກໍາ ແລະ ປ່າໄມ້ ໄດ້ຮັບ ມອບໝາຍໃຫ້ປູກຕົ້ນໄມ້ ໃນເນື້ອທີ່ທັງໝົດ 136 ເຮັກ ຕາ ແລະ ໃຫ້ສໍາເລັດ ໃນໄລຍະເວລາ 4 ປີ ໂດຍການ ສະໜອງງົບປະມານຈາກກອງທຶນປົກປັກຮັກສາສິ່ງ ແວດລ້ອມ, ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ. ສໍາລັບປີ 2020 ນີ້, ກະຊວງກະສິກໍາ ແລະ ປ່າໄມ້ ມີແຜນການປູກຕົ້ນໄມ້ໃຫ້ສໍາເລັດໃນ ເນື້ອທີ່ 94 ເຮັກຕາ ແຕ່ສະເພາະປູກໃນໂອກາດວັນ ປູກຕົ້ນໄມ້ແຫ່ງຊາດ ວັນທີ 1 ມິຖຸນາ ແຕ່ມີເນື້ອທີ່ປະ ມານ 3 ເຮັກຕາ ໂດຍນໍາໃສ່ພັນໄມ້ລາວ 5 ຊະນິດ

ຈໍານວນ 1.200 ຕົ້ນ ຄື: ໄມ້ຂະຍຸງ, ໄມ້ດູ່, ໄມ້ແຕ້ຂ່າ, ໄມ້ຍາງ ແລະ ໄມ້ແຄນ. ທ່ານ ສົມມາດ ພົລ

ເສນາ ລັດຖະມົນຕີ ກະຊວງຊັບ ພະຍາກອນ ແລະ ສິ່ງແວດລ້ອມ ແລະ ທ່ານ ປອ ລຽນ ທິແກ້ວ ລັດຖະມົນຕີ ກະຊວງ ກະສິກໍາ ແລະ ປ່າໄມ້, ໄດ້ໃຫ້ສໍາພາດຕໍ່ສື່ມວນຊົນ ໂດຍໄດ້ຍົກໃຫ້ເຫັນຄວາມສໍາຄັນຂອງວັນປູກຕົ້ນໄມ້ ແຫ່ງຊາດ ເພື່ອແນ ໃສ່ປູກຈິດສໍານຶກໃຫ້ແກ່ອານຸຊົນ, ເຍົາວະຊົນ ກໍ່ຄືຄົນ ລຸ່ນຫຼັງຮູ້ຈັກຄວາມສໍາຄັນ ແລະ ຫວງແຫນປ່າໄມ້ ແລະ ຊັບພະຍາກອນປ່າໄມ້ ທັງເປັນ ການປຸກລະດົມ ຂົນຂວາຍ ໃຫ້ທົ່ວປວງຊົນ ເຂົ້າຮ່ວມໃນການ ຄຸ້ມ ຄອງ, ປົກປັກຮັກສາ ແລະ ພັດທະນາ ປ່າໄມ້ ແນໃສ່ ເຮັດໃຫ້ປ່າໄມ້ ມີຄວາມອຸດົມສົມບູນ, ກາຍເປັນທ່າ ແຮງ ແລະ ເປັນອົງປະກອບທີ່ສໍາຄັນ ຢູ່ໃນໂຄງປະ ກອບເສດຖະກິດແຫ່ງຊາດ ແລະ ປະກອບສ່ວນເຂົ້າ ໃນ ການປົກປັກຮັກສາສິ່ງແວດລ້ອມ ແລະ ພ້ອມທັງ ການປູກຕົ້ນໄມ້ ເພື່ອໃຫ້ຊັບພະຍາກອນໃນລາວນັບ ມື້ອຸດົມສົມບູນ ແລະ ເຮັດໃຫ້ອັດຕາການປົກຫຸ້ມຂອງ ປ່າໄມ້ໃນລາວບັນລຸຕາມຄາດໝາຍທີ່ລັດຖະບານ ໄດ້ວາງໄວ້ 70 ສ່ວນຮ້ອຍ ໃນຂອບເຂດທົ່ວປະເທດ. ໃນພິທີປູກຕົ້ນໄມ້ທີ່ກະຊວງກະສິກຳ ແລະ ປ່າໄມ້ ຮ່ວມກັບ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມຈັດຂຶ້ນໃນຄັ້ງນີ້ ຜູ້ເຂົ້າຮ່ວມຍັງໄດ້ຮັບ ຟັງປະວັດຄວາມເປັນມາຂອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ທີ່ນໍາສະເໜີໂດຍ ທ່ານ ຊູຊາດ ໄຊຍະກຸມມານ ຫົວໜ້າກົມປ່າໄມ້, ກະຊວງກະສິກໍາ ແລະ ປ່າໄມ້ ແລະ ໄດ້ຮັບຟັງ ປະຫວັດຄວາມເປັນມາ ຂອງວັນສິ່ງແວດລ້ອມ ແຫ່ງຊາດ ແລະ ວັນສິ່ງແວດ ລ້ອມໂລກ ວັນທີ 5 ມິຖຸນາ. ທີ່ສະເໜີໂດຍ ທ່ານ ໄຊຍະເວດ ວິໄຊ ວ່າການ ຫົວໜ້າກົມສິ່ງແວດລ້ອມ, ກະຊວງຊັບພະຍາກອນທໍາມະຊາດ ແລະ ສິ່ງແວດ ລ້ອມ.

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້